新年新欲望希望

暂吓眼又过咗一年啦,等我回想一下嚮过去呢一年里面既花絮.呢一年可以廣係我人生既一大转变,从一個乜都唔既死靓仔慢慢踏入社会.当然人生係有起有落既,毕业后雄心壮志想话干一番大茶饭.开头果份工都唔係几理想,不过都怀住打工仔既心态去面对啦,但係最后都落空,合约期过之后咗佢地都冇留我做长期员工,不过我依然背着"人善人欺天不欺"呢個信念.终于我都成功揾到份更好既工,有個更好既工作环境,更大既公司做我后台,所以嚮黎紧既一年里,我都有更大既期望.

人际关系果方面,都改善咗好多,认识咗好多新既朋友.从一個反社交份子,慢慢容入呢個带点儿政治味道既社会,希望嚮黎紧既一年可以更加活跃.嚮公司度识咗一班好友善既同事,在工作方面都帮咗我唔少既忙,而且仲令我改变咗我既未来方针,真係希望可以在佢地身上吸取更多既人生经验.

至于嚮黎紧既一年里,我对自己有D乜期望叻?当然係提升自己既知识,处事经验,说话更加幽默,当然要识得分轻重地,同埋尊重人地,逆都尊重自己.呢D咁抽象既野再写多都冇人会睇得明,简单D黎讲即係要升职加薪,识得打扮自己变得更加有型有款,识返多D靓女(单身既)啦!

特别嚮呢度恭祝各界人士: 新年行大运,细露哥变大人,老母唔洗周围喯!

注意:大家一定好奇怪点解我用到更加有型有款呢個形容词,因为本人既外貌其实都算得上有几分俊俏驾啦,所以如果要嚮鸡蛋里面挑壳既话,我都冇办法,只好讲话变得更加有型有款黎显示本人既谦虚落.(哈哈讲笑着,唔讲又边有得笑叻?)